Turnerfahrt 2005

Turnerfahrt 2005

Äntlich ! Uffahrt ! He ja, wir ga wieder, wie all Jahr, mitem Turnverein es Türli ga mache ! Pitschu hät es Türli organisiert. A dära Ställ schnäll es Dankeschön a Pitschu. Am achti wie geng Besammlig ufem Postplatz. Z’Wätter isch bedäckt bis trüeb gsi, aber wier härte Gsteigerturner la nus d’Lune wäge däm nit nä!

Wir hei d’Poscht bis zur Wispille gno, u scho siwer di erschte Meter glofe ... bis iz Motel. Pitschu hät du gmeint wills geng no am rägne esch wier nüt düe riskiere, dass wier e strängi, aber doch nit grat di strängschti Route nä. So heiwer nus net für d’Schönwätterroute Gstaad-Äggli-Vidmanet-Rüeblihore-Gummflueh-Wytebärghore-Arnesee-Feutersoey entschiede, sondern si dür z’Gstaad uf z’Oberbort. Gmüetlich amene Waldrand heiwer z’Nüni gno. U chum 5-10 Minute speter siwer du witer gäge Turbach. Höi obna hinterna im Heuwbärg siwer du em Bach entlang wieder gäge z’Gstaad. Binere gmüetliche Brätliställ heiwer nus du niedergla u hei afa z’mittagne. Di meischte hei grilliert, nume Pitschu u Stöffel hei es Fondue gschnabuliert! Nit lang speter isch du witer gange... d’Charti si gmischlet worde u es hei sich verschiedeni Grüppleni bildet. Me hät plagiert u kärtlet, ja fasch wie di grosse.

Zum Dessert siwer du richtig Gstaad, ufem diräkte Wäg iz Pub. Langsam aber sicher hät mu z’Poschtouto gsattlet u si richtig Gsteigerdörfli. Im Bäre a cho hei di einte sofort afa witer chärtle u di andere hei witer plagiert. U e so esch es mal meh z’Uffahrtstürli z’Änd gange.

Christof Walker

 

Zurück