Turnerfahrt 2008

Turnrfest Märwil 2008

 

Turnerfahrt 2008

 

1. Mai 2008

Am meietag hei wier nus uf di achti uf em Postplatz troffe, für das traditionella Türli z` bewältige. Reto hät du verzelt das wer mit der halbi nünipost i z Gstaad u derna aschliessend mit der MOB gäge Chateau d oex tüege fahre. Mit de schwere Rügsäck si wer id post igstige. Im gstaad hei wer du nit grad diräckta aschluss ka, drum siwer en anderna i bärnerhof ga z znünigafi ha. Apa uf di zäne si wer du z Chateau d oex gsi. V ol tatedrang hei wer agfange richtig Rougemont louffe. Apa nach ere guete halbstund hei wer es pöiseli gmacht. Frisch gstärkt siwer witer richtig Geringnoz glüffe. wa wer du i däm lustige Dörfli si acho hei wer du e biz desuehi kabe gäge ünses mittagsziel z martigny.Wel wer nit eso gäre dem wanderwäg naha si hät reto du sini charte zückt i christof hät du behouptet das da lut där charte es wägli uehi gangi.wir si du also däm wägli naha bis es hät ghört derna hei wer du halt e biz kuerfeldin müesse ga. Wa wer du wider obna uf dr strass si gsi hei wer du gse das di charte us em viereachzgi isch.Wir si derna mit frohem gmüet u mitem gedanke a nes baldigs zabe witer glüfe. Wa wer du uf zmal es gmüetlichsplätzi mit enre Fürstell hei gfunde hei, isch du der hunger u durscht gröser gsi wa ds verlange no bis i z Martigny ds louffe. Wir hei du ir wärmende früeligssune gmüetlich opis brätlet. der namitag hei wer du mit Bänkle u einedrisgerle verbracht. scho bald häts gäge di füfe grückt u du siwer langsam richtig rougemont gwagelet. Ds Surf u der wein hei sich du lansam bemerkbar gmacht .der eint u ander het doch no e morchle zwöi gfunde. Am bahnhof ds rougemont hei wer du no e biz uf z zügli müesse warte. wa du das alta MOB gletise isch acho siwer du richtig z gstaad u derna mit der poscht gäge heim. Im gsteig hei wer du dä tag im Bäre abgschlosse.

No es grosses merci für Reto wo das Türli souverän hät planet.

 

Manuel Beetschen

Zurück

 

Turnfest Märwil 2008

 

Am Samschtig am Morge am halbi sibni si wer richtig Märwil. Nach enere länge Fahrt si wer am Mittag a cho. Grad nach ünsera Akunft hei wer Güggel zum Zmittag g'ässe. Es paari hei e chlei Problem kabe mit em usbeindle. Dr Griff zur Fläsche isch scho früei güebt worde, wills extrem heiss isch gsi. Apa am zwöi hei d'Gräteturner a fa turne. Es isch im Grosse u Ganze nid schlächt gange.
Aschliessend hei d'Liechtathlete ihres Beschta gä. Es isch sehr e schöna Tag gsi. Wier hei dä Tag mitemne guete Znacht krönt. Speter, im Usgang hei alli ihre Durscht usgebig glöscht. Am nächschte Morge isch Seilizieh uf em Programm gstande. Es si gwuss nid alli begeischteret gsi ufzstah. Ünser Seilizieher si froh gsi, sich am Seil chöne z'ha. Trotzdäm si si fasch di Stärchschte gsi u hei dr sehr guet dritt Platz erreicht. Bravo!
Mitemne frohe Härz umene schwäre Chopf heiwer nus i Schatte begä. Am Namittag hei wer no e paar Turnilagi vo verschiedene Turnvereina bestunt. U scho isch das Turnfäscht wieder verbi gsi. Am Abe häts du e schläfrigi Carfahrt heimzue gä. Nachem Umzug dür z'Gsteig het nus der Bäre es Apéro offeriert.
Es isch es schöns Turnfäscht gsi.
Merci a alli wo das Programm hei ufgställt.

Antoinette Zahler

Zurück